Tulubuzz

Staff Selection Commission (SSC) released the notification for Multi -Tasking(Non Technical)Staff and Havaldar recruitment: ಸ್ಟಾಫ್ ಸೆಲೆಕ್ಷನ್ ಕಮಿಷನ್ (SSC) ಮಲ್ಟಿ-ಟಾಸ್ಕಿಂಗ್ ಸ್ಟಾಫ್ ಬೊಕ್ಕ ಹವಾಲ್ದಾರ್ ನೇಮಕಾತಿಗ್ ಅಧಿಸೂಚನೆ ಬುಡುಗಡೆ ಮಲ್ದ್ಂಡ್. MTS- 4887 ಬೊಕ್ಕ Havaldar- 3439 ಸೇರ್ದ್  ಒಟ್ಟು 8326 ಖಾಲಿ ಹುದ್ದೆಲೆಗ್ ಅರ್ಜಿ ಲೇದೆರ್. ಅರ್ಹ ಅಭ್ಯರ್ಥಿಲೆಗ್ ಉಂದು ಒಂಜಿ ಎಡ್ಡೆ ಅವಕಾಶ.  Last Date to Apply: ಅರ್ಜಿ ಪಾಡ್ರೆಗ್ ಜೂಲೈ 31-2024   ಕಡೇತ ದಿನ. ಕಾಸ್ ಕಟ್ಟರೆಗ್(Online Payment)  ಆಗಸ್ಟ್ 01-2024  ಕಡೇತ ದಿನ. ಅಕ್ಟೋಬರ್ -ನವೆಂಬರ್ ದಂಚಿ ಪರೀಕ್ಷೆ ನಡಪೆರೆಗುಂಡು.  Age Limit: MTS ಅಭ್ಯರ್ಥಿಲೆಗ್ 18 ದ್ 25 ವರ್ಷದುಲೈದಗಲೆಗ್ ಅವಕಾಶ, ಅಂಚೆನೇ Havaldar ಅಭ್ಯರ್ಥಿಲೆಗ್ 18 ದ್ 27 ವರ್ಷಮುಟ ಅವಕಾಶ ಉಂಡು. ಅಂಚೆನೇ ಕೆಲವು ವಿಭಾಗೊಲೆಗ್ ಪ್ರಾಯದ ಸಡಿಲತೆ (Age relaxation) ಉಂಡು. ಅಭ್ಯರ್ಥಿಲು ಕಡ್ಡಾಯವಾದ್ 10 ನೇ ಕ್ಲಾಸ್ ಪಾಸಾದುಪ್ಪೊಡು.  Application Fee: ಅಪ್ಲಿಕೇಶನ್  ಫೀಸ್ ರೂ 100/- ಒನ್ಲೈನ್ಡ್ ಕಟ್ಟೊಡು. ಪೊಣ್ಣುಲು,ST,SC,PwBD,ESM ಅಭ್ಯರ್ಥಿಲು ಪೀಸ್ ಕಟ್ಟರೆಗ್ ವಿನಾಯಿತಿ ಪಡೆದೆರ್.  Selection Process: Computer Based Exam ಉಪ್ಪುಂಡು. (ಆಬ್ಜೆಕ್ಟಿವ್ ಟೈಪ್...

ದೇವಸ್ಥಾನೊಲೇ ಊರಾಯಿನ ಉಡುಪಿಡ್ ಪರ್ಯಾಯದ ಅಟ್ಟಣೆ ಜೋರಾತ್೦ಡ್. ಜನವರಿ 18ಗ್ ನಡಪುನ ಉಚ್ಚಯೋಗ್ ಊರಿಡೀ ಸಿಂಗಾರ ಆತ್೦ಡ್ . ಸಾದಿ ಬೀದಿಲು ,ಅಂಗಡಿ ,ದೇವಸ್ಥಾನ ,ಮಠೋಕುಲು ದಿಂಜಿ ಬೊಲ್ಪುಡು ಮಿಣ್ ಕೊಂದುಲ್ಲ. ಪ್ರತಿ ರಡ್ಡ್ ವರ್ಷೋಗೋರ ಬದಲಾಪಿನ ಶ್ರೀ ಕೃಷ್ಣ ಮಠತ ಆಡಳಿತೊಗ್ ಈ ಸರ್ತಿ ಪುತ್ತಿಗೆ ಮಠೋದ ಶ್ರೀ ಸುಗುಣೇಂದ್ರತೀರ್ಥ ಸ್ವಾಮೀಜಿ ಪರ್ಯಾಯ ಪೀಠಾರೋಹಣ ಮಲ್ಪರೆಗುಲ್ಲೆರ್. ಪರ್ಯಾಯ ಮಹೋತ್ಸವ ಉಡುಪಿದ ಧಾರ್ಮಿಕ ಸಂಪ್ರದಾಯೊನು ಪ್ರತಿಬಿಂಬಿಸಾವುನ ಮಾಮಲ್ಲ ವೇದಿಕೆ. ಪರ್ಯಾಯೋದ ದಿನ ಕೃಷ್ಣ ಮಠೋಟು ಮಸ್ತ್ ಪೂಜೆ ,ಯಜ್ಞ ,ಹೋಮೊಲು ನಡಪುಂಡು ,ಉಂದೆನ್ ತೂವರೆ ಊರ ಪರವೂರ ಭಕ್ತೆರ್ ಸೇರ್ವೆರ್. ಧಾರ್ಮಿಕ ಆಚರಣೆ ಅತ್ತಂದೆ ಪರ್ಯಾಯ ಮಹೋತ್ಯ್ಸವ ಉಡುಪಿದ ಶ್ರೀಮಂತ ಸಾಂಸ್ಕೃತಿನ್ ತೋಜಾದ್ ಕೊರ್ಪು೦ಡು. ವೇದಿಕೆಲೆಡ್ ಮಸ್ತ್ ಸಾಂಸ್ಕ್ರತಿಕ ಕಾರ್ಯಕ್ರಮ, ಪದ ,ನಲಿಕೆ ನಡಪುಂಡು . ಅವ್ವತ್ತಂದೆ ಮೆರವಣಿಗೆಡ್ ವಾದ್ಯ - ಬ್ಯಾಂಡ್,ಕೊಂಬು, ಚೆಂಡೆ , ನಾಸಿಕ್ ಬ್ಯಾಂಡ್ ,ಡೋಲು ಕುಣಿತೊಲು ,ಜಾನಪದ ನಲಿಕೆಲು ,ತಾಲೀಮ್ ,ತಟ್ಟೀರಾಯನ ಬಗೆ ಬಗೆತ ವೇಸೋಲು ಮನಸ್ ಇರ್ಮೆನ್ ಮಲ್ಪು೦ಡು.