ಐತಿಹಾಸಿಕ ಬೊಕ್ಕ ಆಧ್ಯಾತ್ಮಿಕವಾದ್ ಮಹತ್ವಪಡೆಯಿನ, ಅಯೋಧ್ಯೆಡ್ ಪೊಸತಾದ್ ಕಟ್ಟಿನ ಶ್ರೀ ರಾಮ ಮಂದಿರಡ್ ಪ್ರಧಾನಿ ನರೇಂದ್ರ ಮೋದಿ ಬಾಲೆ ಶ್ರೀ ರಾಮನ ಮೂರ್ತಿನ್ ಲೋಕೊರ್ಮೆ ಮಲ್ತೆರ್. ಕೋಟ್ಯಂತರ ಜನಕ್ಲೆನ್ ಐನೂದು ವರ್ಷ ಪಿರಾಕ್ದ ಕನ ನಿಜ ಆಂಡ್ . ಮದ್ಯಾಹ್ನ 12.30ದ ಅಭಿಜಿತ್ ಶುಭ ಮೂರ್ತೊಡು ವಿಗ್ರಹದ ಪ್ರಾಣಪ್ರತಿಷ್ಠೆ ಮಲ್ತೆರ್.ಧಾರ್ಮಿಕ ಕಟ್ಟ್-ಪಾಡ್, ಮಂತ್ರ,ಸ್ತೋತ್ರೊಲೆಡ್ ಬಾಲ ರಾಮಗ್ ಆರತಿ ಬೆಳಗಾಯೆರ್. 84 ಸೆಕೆಂಡ್ದ್ ಆ ಪುಣ್ಯ ಕಾರ್ಯೋನು ತೂದ್ ಜನಕುಲು ಸಂತುಷ್ಟರಾಯೆರ್. . 'ಪ್ರಾಣ ಪ್ರತಿಷ್ಠಾ' ಸಮಾರಂಬೊದ ಬೊಕ್ಕ ಪ್ರಧಾನಿ ಮೋದಿ ದೇವೆರ್ನ ಪ್ರಸಾದ ದೆತೊಂದು ಪಾಸ ಬುಡಿಯೆರ್. ಬೊಕ್ಕ ಪಾತೆರಿನ ಪ್ರಧಾನಿ ಮೋದಿ, ಕರಿನ 11 ದಿನೋಡ್ದಿಂಚಿ ಬೇತೆ ಬೇತೆ ಭಾಷೆ ಬೊಕ್ಕ ರಾಜ್ಯೋಲೆಡ್ ರಾಮಾಯಣೊನ್ ಕೇಂಡಿನ ಅನುಭವ ಬೊಕ್ಕ ರಾಮದೆವೆರೆನ ಬೇತೆ ಬೇತೆ ಜಾಗಲೆಗ್ ಪೋಯಿನ ವಿಚಾರೊಲೆನ್ ಪಟ್ಟಿಯೆರ್ . ಬೊಕ್ಕ 'ಜಟಾಯು' ಪ್ರತಿಮೆನ್ ಲೊಕೊರ್ಮೆ ಮಲ್ತಿನ ಮೋದಿ ಕುಬೇರ್ ತಿಲಾಟ್ ಈಶ್ವರಗ್ ಪೂಜೆ ಮಲ್ತೆರ್.